Ev demeke Albûma Jan Arslan ya yekem ya bi navê evînperwer derketî...Di vê demê de min gelek caran guhdar kir û dixwazim şîroveyên xwe stran bi stran û dawiya nivîsê jî li ser giştî rexneyên xwe binivîsim.
1-ÇAVDERYA: hêsta stranê xatirxwestina evîndarekî ye û awaz , gotin û hêst levhatî ne. ‘’Ez ê biçim ji van deran, bi xatirê te…’’ bingih û sergiha melodiyê û dengê Jan mîna çemekî zelal diherike û mirov pê wêsa xwe digire
2-KEÇAPÊRÎ: Jan,ji helbesta Bro Ömerî straneke baş derxistiye holê.. hêst dijwar e lê barê mirov gran nake.. ji ber kû hest nerm hatiye zimên..ewqas serkeftîye ku mirovêki bi kurdî nizanibe jî vê hêsta stranê fêm bike.
3-JÎN: ev stran zêde bala min ne kişand . lê dibe ku gava mirov erebê bajo guhdar bike hingî lingên mirov bêtir pê li gazê bike û bêje yallah şifêr yallahJ lê mixabin ereba min jî nîneJ û dibe ku ez zêde melankolîk bimJ
4-KENGÎ: Ji vê stranê min qet heznekir. tenê dengê jinê û muzik ba hingî dibê ku min jê hez bikiraJ dibê ku antîpatiya min ji gotina GUlA ÇÎYA bê jî .. li gorî min di nav albûmê de strana heri nebaş ev e, lê bawer im entelên me kurdan vê jê hezbikin.
5-BARANEK DÎYARBEKİR:
Dem a baran dibare
Tu tê bîra min
Di baranek dîyarbekir
......Min ji te hez kir
Te min fêm ne kir
Baran dibar e bi ser dîyarbekir
Dilop bi dilop min ji te hez kir
Te min fêm ne kir
Baran strana xwe dibêje
Tu ne xuyayî
Te dipirsim ji dilopan
Tu windayî
Baran dibar e bi ser dîyarbekir
Dilop bi dilop min ji te hez kir
Te min fêm ne kir
Ji zû de vê stranê guhdar dikim û Straneke bi gotin , muzik û hesta xwe pir pir cûda û xweş e.. mirov dixwaze bi dildara xwe re dans bike û li du xwe bizivire..pir romantîk e. Wersiyona di albûme de nermtir e û profesyoneltir e, ji ya berê… bawer im heta dawîya emrê xwe ez ê guhdar bikim..
6-KEÇÊ: Keçê ka maçekê- keçê were vir , ma dilê te bûye kevir..…stran ev e…mirov dizanê bi kurdî ye..dilê mirov xweş dibe û diçe hinareke zivzikê gava guhdar dike…di vê stranêde edî karim bêjim Jan helbestvanekî baş e jî..
7-LÊ GULÊ- di vê stranê de ez şaş dimînim…çawa helbestvanê zane û taybetmend evqas gotinên ji rêzê û navdest nivîsiye. Ji bo muzika stranê tiştekî nabêjim.. berê şekirê qilo qilo hebûn û di cejna de me digote wan şekirê kurdan û şekirê gran hebûn pir xweş bûn me ji wan re jî digot şekirê tirkan..niha difikirim çima me wilo digot ?.. ji ber ku cîranan şekirê qilo qilo didan me û şekirên dî memurên ne ji bajarên me didan me.. yanî tirka didan meJ
8-KÎ ME EZ: bi gotin û muzika xwe, ne straneke ji favoriyên min e, lê straneke navînkirîn û xweş e.
9-BÊÇARE: straneke neh û heşt gav e…romanên me nînin lê nizanim di dîroka kurdan de stranên neh û heşt gav hene gelo? Min bi xwe nedîtiye û bihîstiye.. li xoşa mirov diçe. Ceribandineke balkêş e..mirov dikarê li ser gelek tiştan bêje û rexne bike.. ez bixwe bi tirs im.. tiştekî wiha nakim .Jan dest hilaniye û hêwerî kiriye.. li gorî min mijareke teybete ku mirov li ser lêkolîne bike. Ku çima hin miqam di stranên gelan de pir in an jî nîn in…
10-MA NE BES E: (di gotinê stranê de şêrin a delal hatiye nivîsandin lê ya rastî şêrîna delal e.).Strana min jê herî hezkirî ev e.. kengî guhdar bikim dibim qatilê çixareyekê.. xwedê tu kesî neke destê şêrîna de rebbîJ hostatîya Erol evcil jî li vê stranê xwe daye nasîn.. destpêk û qedandin mîna çîrokekê hatiya neqişandin…bawer im hezar Pawarottî û Tarqan nikarin weke Jan vê stranê xweş bêjin û mafê stranê bidin.. tenê dibê ku ez jê xweştir bêjimJji ber ku min jê pir hezkiriye. xweş xeber e lê min nebawer eJ
11-ROJEK: straneke ciwanî ye û mirov ji cî radike û lotika dide avetinJ
12-EVÎNPERWER İM: bi şaşîtî Evinperwerim hatiye nivîsandin. Rastnivîsiya we evinperwer im e...Ramusanek te da min ev dînîtî giha min….helbesta hozanê nemir Cegerxwîn e û di nan destê Jan de bûye straneke pir xweş..
Rexneyên min ê Ji bo Giştîya albûmê:
1-Albûm; bi tarza popê hatiye çêkirin û bi normên gerdunî û normên min pir serkeftî ye.. ji hemû gelan mirov guhdar bikin li wan cûda naye xwîyakirin û baweriya min ew e ku vê jê hezbikin..
2-repertuara(stranên) di albûmê de û rêzkirina wan jî - mirov du-sê strana ji devre bihêle-serkefî ye…ev nêrîna min e . nabe ku hemû mirov wekî min binêrin.
3-Jan stranvanekî baş e..qet detone nebûye û rengên dengê wî bi wesp e..
4-Jan stranên xweş çêkirine û nivisîne..bi zimanê kurdî baş dizane û di zimên de kêmasiyên wî nînin..
5-di qeydan de serkeftineke mezin û teknîkî heye.. ne kêmî albuma stranvanên tirk û gerdunî ye..
6-Tê xwîyakirin ku Jan gelek ked daye vê albûmê.. ne di çend rojan de ev stran amade kiriye..
7- albûmeke evînî ye û dildarî ye.. xwe bi hewceyê ajitasyonê nedîtiye..ev tiştekî wespî ye..
Bi baranek Dîyarbekir min naskiribû lê bi vê albûmê min ji sedî sed naskir ku ev stranvanê evînperwer vê navê kurdan li gerdûne bide naskirin ..min bi xwe rûmetî jê stan û pê serbilind im.. Tirk dibêjin ‘’kolay gelsin’’ lê em dibêjin ‘’qewet be’’ felsefa me jev cûda ye..ciyawazîya me ye ev… em nabêjim bila kar hesanî be .. em dibÊjin bila qeweta me hebe bila kar zehmet bê…nizanim gelê din çi dibêjin.. lê vê dizanim her gel li gorî xwe dibeje û cûdabûna wan ew e.. divê JAN van ji bîr neke û di xebatên xwe yên pêş de hertim ruhê xwe yê kurd wenda neke….
